Ciidamo katirsan Xarakada Daalibaan Bakistaan ee ka Jihaadda Wadank Bakistaan, ayaa weerar ku qaaday saldhiga ay leeyihiin askarta xukuumadda Islaama-Baad oo ku yaalla xadbeenaadka udhaxeeya Afqaanistaan iyo Bakistaan, waxayna halkaasi ku dileen tiro askar ah halka qaar kalena ay dhaawaceen.
Weerarka oo dhacay xilli habeen ah ayaa waxaa lagu dilay 16 askari oo kamid ah xukuumadda Bakistaan halka lagu dhaawacay 5 kale, waxayna sido kale Mujaahidiintu gubeen qalab ay ku jiraan idaacado iyo dukumiintiyo.
Dagaalka ayaa ka dhacay degaan lagu magacaabo Makeen oo katirsan gobolka Khyber Pakhtunkhwa, wuxuuna socday sida wararku sheegayaan, ku dhawaad 2 saacadood.
Bayaan kasoo baxay Xarakada Daalibaan Bakistaan ayaa lagu sheegtay mas’uuliyadda weerarka, waxaana sido kale bayaan lagu xusay iney soo furteen hub iyo agabyo kale oo ciidan.
Ciidamada Bakistaan ayaan soo saarin war rasmi ah oo ku aaddan dagaalkan lagu laayay askartooda, balse saraakiil katirsan sirdoonka Bakistaan ayaa xaqiijiyay jiritaanka weerarka iyo tirada dhimashada iyo dhaawaca ka noqotay askrtooda.
