Ciidanka Ukraine oo dagaal dabadheeraaday kala dhexeeyo xukuumadda Mooskoow ayaa maalintii shalay war uu soo saaray ku sheegay, iney diyaarado nooca aan duuliyaha lahayn ah ku weerareen xarumo soo saara shidaalka oo ku gudaha wadanka Ruushka.
Weerarkan dhanka cirka ah ayaa loo adeegsaday 11 diyaarado Drones ah oo qaraxya, wuxuuna si gaarka kaga dhacay maniqadda Oriyool oo dhacda qiyaas ahaatii meel 170 KM ujirta xadka ay wadaagaan dalalka Ruushak iyo Ukraine.
Kadib markii weerarkan lala beegsaday goobahan shidaalka soo saara wuxuu mas’uulka xukuma madiqadda ay wax ka dhaceen ee Ruushka sheegay in weerarku uu sababay dab ka kacay dhismayaasha la wareeray, islamarkaana aysan ka dhalan wax khasaare nafeed ah.
Sawir ay baahiyeen ciidanka Ukraine ayaa lagu arkayay goobta ay wax ka dhaceen oo gubaneysa islamarkaana ay ka baxayaan holac iyo Uuro hawada isku shareeray.
Xukuumadaha Ukraine iyo Ruushka ayaa dagaalkooda xoogiisa wuxuu kusoo haray in duqeymo la is dhaafsado, waxaana hoos udhac weyn uu ku yimid muddooyinkii dambe weeraradii foolka foolka ahaa oo ay labada dhinac ku waayeen askar aad ubadan.
