Ciidamada Cirka Ukraine ayaa shalay war ay soo saareen waxay kaga hadleen, weerar dhanka cirka ah oo loo adeegsaday diyaarado Drones ah, kaasoo ay kusoo qaadday xukuumadda Mooskoow.
Weerarkan ayaa dhacay habeen hore waxayna sheegeen taliska ciidanka hawada ee Ukriane, in Ruushku dhankooda usoo diray usoo diray 93 diyaaradood, 60 kamid ahna waxay sheegteen in difaacooda hawada uu soo riday, halka 26 kale aan la garaneyn halka ay ku dambeeyeen.
Diyaaradaha kale ee soo haray oo tiradoodu 7 tahay, xukuumadda Ukraine ma aysanka hadal haddii ay ka fakadeen difaaceeda hawada oo ay wax yeello ugeysteen iyo in kale, iyo haddii ay ku jiraan kuwa aan warka iyo wacaalka loo heyn meel ay ku dambeeyeen.
Dowladaha Ruushka iyo Ukraine, waxaa ka dhaxeeya dagaal soo jeetamayay sanadihii lasoo dhaafay, waxaana muuqata in ilaa iyo haatan ay kala adkaan la’yihiin.
Khasaaraha badan oo dhimasho iyo dhaawac ah ayaa kala gaaray labada dhinac, halka ay dhanka kale hanti farabadan ku waayeen.
