Faahfaahin ayaa laga helayaa qaraxyo 5 ah oo shalay ciidamada Uganda lagula beegsaday, inta u dhexeysa deegaannada Laanta-buuro iyo Lambar50 ee gobalka Sh-hoose.
Ugu yaraan 4 askari oo katirsan ciidanka Shisheeye ee Uganda ayaa lagu dilay qarayaxyadaan, halka lagu dhaawacay 7 oo uu ku jira sarkaal Miino baare ah.
Sidoo kale waxaa weeraradaan qaraxyada ah lagu gubay, gaari nuuca xamuulka qaada ah oo ay wateen kolonyada ciidanka Uganda ee ku socdaalayay gobalka Sh-hoose.
Dhinaca kale weerar ayaa lagu qaaday garoonka degmada Waajid ee gobalka Bakool, waxaana xilliga uu weerarku dhacayay garoonka ka dagaysay diyaarad u socotay ciidamada Dowladda Fedaraalkaa.
Weerarka ayaa sababay iney waxyeello gaarto diyaaradda, taas oo si degdeg ah kagaa duushay garoonka, horayna uu qorshuhu ahaaa iney ka degto madaarka Muqdisho, balse waxyeellada gaartay awgeed ay si lama filaan ah kaga degtay garoonka diyaaradaha ee magaalada Beydhabo oo ah xarunta gobalka Baay.
