Talaadadii shalay waxaa magaalada Zabaruujiya ee ku taalla wadanka Ukraine ka dhacay, weerar duqeyn ah oo uu Ruushku ka dambeeyay, waxaana ka dhashay dhimasho iyo dhaawac.
Dad gaaray 6 ruux ayaa Ruushku ku dilay duqeyntan, halka ugu yaraan 20 kale ay ku dhaawacmeen.
Duqeyntan ayaa beegsatay dhisme dhulka hoostiisa ka dhisan, kaasoo ay geysatay burbur baaxadleh.
Sidaasi si lamid ah weerar dhanka cirka ah oo saacadihii lasoo ka dhacay magaalada Khaarkeef ee Bariga Ukraine ayaa waxaa ka dhashay, dhaawaca 2 ruux iyo bubur dhaqaale.
Dhinaca kale xukuumadda Ukraine ayaa sheegtay dhankeeda iney soo ridday 48 diyaaradood oo nooca duuliye la’aanta ah iyo labo gentaal, oo uu Ruushku kusoo weeraray habeen hore.
Diyaaradaha Drones-ka ah ee ay dhulka Soo dhigtay Ukraine, ayaa sida ku xusan warka kasoo baxay waxay asalkooda ahaayeen 79, waxaan dib ulaabtay 31 kale, halka intii kale ay sheegtay iney soo ridday.
Dowladaha Ruushka iyo Ukraine, ayaa ku jira xilligan dagaal ay ku daaleen labada ciidan oo lagu kala adkaan la’yahay.
