Nin hubeysan oo khamri cabaya, ayaa dad gaaraya illaa 10 ruux ku dilay 4 meel oo katirsan magaalada Siitiini ee wadanka Jabalul-Aswad kahor inta uusan isagu is dilin.
Dadka dhintay ee uu gallaafatay noloshooda ninkan, 4 kamid ah wuxuu ku dilay maqaayad ku taalla magaalada, halka inta kale uu ku dilay 3 goobood oo kale.
Shakhsiga wax dilay ayaa saacado badan khamro aad u cabayay, wuxuuna dadka ku laayay magaalada Siitiini iyo tuulo hoos tagta.
Wasiirka arrimaha gudaha ee wadankaasi ayaa sheegay, ninkan dadka uu dilay ay ku jiraan xubno qoyskiisa ah iyo caruur yar yar.
Ninkan oo ahaa 45 jir ahaa ayaa ugu dambeyntii isku dayay inuu naftiisa dilo, wuxuuna is gaarsiiyay dhaawac isagoo jooga meel udhow gurigiisa, isagoo isbitaalka loo wado ayuuna geeriyooday.
Sanadkii 2022-kii ayaa sidan oo kale waxaa wadankan yar ka dhacay, fal ay ku dhinteen 10 ruux, waxaana dadkaasi oo dhan dilkooda ka dambeeyay 1 nin oo maalin cad laayay.
