Maleeshiyaadka Macawiisleyda ayaa weerar ku qaaday kolonyo uu la socday taliyaha Sirdoonka ee Dowladda Fedaraalka.
Xogo dheeraad ah ayaa laga helayaa weerar ay maleeshiyaadka Macawiisleyda ku qaadeen, kolonyo uu la socday Cabdullaahi Maxamed Cali oo loo yaqaanno Sanbaloolshe, kaas oo ah taliyaha Sirdoonka ee Dowladda Fedaraalka.
Weerarka ayaa waxa uu ka dhacay duleedka magaalada Baladweyne ee xarunta gobalka Hiiraan, waxaana dagaal muddo qaatay uu dhexmaray maleeshiyaadka Macawiisleyda iyo ciidamo ilaalo u ah Sanbaloolshe.
Maleeshiyaadka weerarka geystay ayaa lagala wareegay gacan ku heynta deegaanka ay ku sugnaayeen, walow goordambe ay dib uqabsadeen.
