Habeenkii xalay ciidamada Xarakada Mujaahidiinta Al-Shabaab ayaa waxa ay fuliyeen weeraro isugu jira qaraxyo iyo kuwa toos ah, kuwaas oo lala beegsaday ciidanka Shisheeye iyo kuwa maamulka la baxay Koonfur-galbeed.
Gobalka Baay waxay ciidamada Xarakada Mujaahidiinta Al-Shabaab weerar ku qaadeen, mid kamid ah gudoomiyayaasha degmo ee katirsan maamulka la baxay Koonfur-galbeed.
Cabdi Ibraahiim oo ah gudoomiyaha maamulka la baxay Koonfur-galbeed ugu magacaaban degmada Qansaxdheere ee gobalka Baay ayaa si dirqi ah uga badbaaday, weerar ay xalay ciidamada Xarakada Mujaahidiinta Al-Shabaab ku qaadeen hoyga uu ka dagan yahay degmada uu gudoomiyaha ka yahay.
Sidoo kale Habeenkii xalay ciidamada Xarakada Mujaahidiinta Al-Shabaab ayaa weerar ku qaaday, saldhig ay askarta Xabashida Itoobiya ki leeyihiin degmada Diinsoor ee gobalka Baay.
Isla gobalka Baay weerar qarax ah ayaa lala beegsaday goob ay ku sugnaayeen askar katirsan maamulka la baxay Koonfur-galbeed oo ku taalla xaafadda Buulo-Jameeco ee magaalada Beydhabo, waxaana lasoo warinayaa inuu khasaare ka dhacay Weerarkaas.
Dhanka gobalka Sh-hoose, Ciidamada Xarakada Mujaahidiinta Al-Shabaab ayaa xalay weerar ku qaaday, saldhigga ay askarta Shisheeye gaar ahaan kuwa Uganda ay ku leeyihiin degmada Jannaale ee gobalka Sh-hoose.
