Isbuurashadan ayaa duhurnimadii shalay oo Jimco ahayd ka dhacday masjidka wayn ee Al-Umawi oo ku yaalla magaalada Dimishq ee caasimadda wadanka Suuriya.
Waxaa gudaha masjidka ka jiray ciriri aad udaran oo ka dhalatay isbuurashaxda, sababo la xiriira munaasabad ay dad badan kasoo qeyb galeen oo halkaasi ka dhacaysay.
Dhacdadaasi waxay sababtay iney halkaasi ku dhintaan 3 dumar ah, 5 caruur ahna ku dhaawacmaan.
Caruurta dhaawacantay ayaa waxaa ku dhacay jab xagga lafaha ah, Nabarro soo gaaray jirkooda, iyo xaalad suuxdin ah, ugu dambeynna isbitaallada ayaa loo qaaday dadkii dhaawaca ahaa si loosoo daaweeyo.
Mar haddii ay dad badan isugu yimaadaan hal goob, waa suurgal iney dhacaan xaaladahan oo kale, waxaana haboon in la nidaamiyo dadka goobta soo xaadiray, si looga foojignaado xaaladahan oo kale.
