Dagaallo u dhexeeya ciidamada Xarakada Mujaahidiinta Al-Shabaab iyo kuwa Dowladda Fedaraalka, islamarkaana dhaliyay khasaare isugu jira dhimasho iyo dhaawac ayaa waxa ay maanta ka dhaceen gobalka Hiiraan.
Dagaallada oo lagu jabiyay ciidamada Dowladda Fedaraalka ayaa waxa ay si gaar ah kaga dhaceen, duleedka degmada Buulo-burde ee gobalka Hiiraan.
Ugu yaraan 5 askari ayaa la xaqiijiyay in lagu dilay dagaalladaan maanta ka dhacay duleedka Buulo-burde, halka lagu dhaawacay 2 kale.
Dagaalladaan ayaa kusoo aadaya iyadoo maalin kahor sidaan oo kale dagaallo khasaare lagu gaarsiiyay ciidamada Dowladda Fedaraalka ay uga dhaceen, deegaan ku yaalla duleedka magaalada Baladweyne ee xarunta gobalka Hiiraan.
