Saacadihii lasoo dhaafay waxaa gobollo dhowr ah oo kamid ah wadanka Suudaan ku dagaallamay, ciidanka xukuumadda Suudaan iyo malleeshiyada Ad-Dacmu As-Sariic.
Dagaalladan ayaa waxaa ka dhashay khasaare hantiyeed iyo mid nafeed intaba, waxaana mid waliba oo kamid ah labada dhinac ee diritu ka dhaxeyso soo gaaray khasaare isaga ugaar ah.
Magaalooyinka lagu dagaallamay waxaa kamid ah Al-Kharduum oo gaar ahaan dhankeeda Koonfurteed, waxaana halkaasi duqeymo ay fuliyeen diyaaradaha ciidanka Suudaan oo lagu beegsaday sida wararku tilmaamayaan, fariisimo ciidan oo ay leeyihiin malleeshiyada RSF.
Weerarka dhanka cirka ah oo kaliya ma ahayn waxa ka dhacay magaalada Al-Khartuum, ee waxaa jiray weeraro kale sida madaafiicda goobgta ee lagu bartilmaameedsanayay goobaha ay degan yihiin malleeshiyada RSF oo ka dhacay Kharduum Baxri iyo weeraro Shiish ama qannaas ah.
Dhanka malleeshiyada RSF iyaguna waxay intii weerarada ku socdeen sameeyeen iska caabin ay kaga hortegayeen weerarada uga imaanayay askarta Suudaan.
Gobolka Al-Jaziira gaar ahaan degaanada dhaca hareerahaha magaalada Wud Madani, iyo gobolka Daar-Fuur ayey ka dhacayeen iska hor imaadyada udhaxeeya RSF iyo ciidanka xukuumadda Suudaan.
Waxayna wararku tilmaamayaan in halkaasi dagaallada ka dhacay saraakiil dhowr ah looga dilay RSF.
Wali ma anaan helin tiro koob rasmi ah oo ku saabsan khasaaraha ka dhashay dagaalladan iyo duqeymaha, iyo labada dhinac mid waliba inta gaartay.
