Ku dhawaad ruux ayaa dhimasho iyo dhaawac ku noqday dagaal ka dhacay degmada Ceelwaaq ee gobalka Gedo.
Shalay illaa iyo habeenkii xalay waxaa dagaallo culus ay ka dhaceen degmada Ceelwaaq oo katirsan gobalka Gedo, kuwaas oo geystay khasaare kala duwan.
Dagaalka ayaa udhexeeya ciidamada Dowladda Fedaraalka iyo dadka ku dhaqan magaalada Ceelwaaq, waxaana ku dhintay 2 ruux halkaa ay ku dhaawacmeen 6 kale.
Korneel Aadan Rufle oo ka hadlay dagaalka ayaa ciidamada Dowladda Fedaraalka ku eedeeyay, in ay dhibaatooyin badan ku hayaan dadka ku dhaqan degmada Ceelwaaq, kuwaas oo uu sheegay in tan iyo bishii June ee sannadkaan ay ciidamu dileen 19 ruux, ayna geysteen boob hantiyeed.
