Wararka laga helayo gobalka Bakool ayaa ku waramaya, in weerar qarax ah lala beegsaday askar katirsan ciidanka Xabashida Itoobiya.
Weerarka oo maanta dhacay ayay ciidamada Xarakada Mujaahidiinta Al-Shabaab la beegsadeen, askar katirsan ciidanka Xabashida Itoobiya oo ku roondeynayay garoonka degmada Waajid ee gobalka Bakool.
Ugu yaraan 2 askari oo katirsan ciidanka Itoobiya ayaa lagu dilay qaraxa, halka lagu dhaawacay 4 kale.
Geesta kale xogo dheeraad ah ayaa laga helayaa howlgal qorsheysan oo ay ciidamada Xarakada Mujaahidiinta Al-Shabaab ka fuliyeen gudaha magaalada Muqdisho.
Howlgalkaan ayaa waxa uu si gaar ah kaga dhacay xaafadda Bangala oo katirsan degmada Deyniile ee magaalada Muqdisho.
Askari katirsan Sirdoonka Dowladda Fedaraalka ayaa lagu dilay, howlgalka ay ciidamada Xarakada Mujaahidiinta Al-Shabaab ka fuliyeen degmada Deyniile, kaas oo lagu magacaabo Cabdullaahi Ibraahiim Muumin.
Magaalada Muqdisho waxaa inta badan sidaan oo kale uga dhaca weerarada madax jabinta ah ee ay fuliyaan ciidamada Xarakada Mujaahidiinta Al-Shabaab, kuwaas oo lagu ugaarsado saraakiisha iyo askarta Dowladda Fedaraalka.
