Saacadihii lasoo dhaafay ciidamo katirsan Dowladda Fedaraalka ayaa waxa ay inta udhexeysa degmooyinka Balcad iyo Jowhar gaar ahaaan deegaanka lagu maagacaabo Cadeyga Moobliin ku dileen wiil iyo abtigiis.
Ciidamada ayaa waxa ay si bareer ah u toogteen wiilka iyo abtigiis, waxaana ay ku marmarsiyoodeen iney ka shakiyeen ragga ay dileen oo deegaanka laga yaqiinay.
Qaar kamid ah ehellada wiilka iyo abtigiis ee ay dileen ciidamada Dowladda Fedaraalka ayaa ka hadlay dhibaatada loo geystay.
Tani ayaa kusoo aadeysa iyadoo saacado kahor deegaanka Warsheekh ee isla gobalka Sh-dhexe lagu dilay, wiil, aabihiis iyo macallin dugsi Qur’aan, kuwaas oo la sheegay in loo dilay aaano qabiil.
