Habeenkii xalay ciidamada Xarakada Mujaahidiinta Al-Shabaab ayaa waxa ay weeraro ka fuliyeen, qeybo kamid ah goballada Baay iyo Sh-hoose ee Koonfurta Soomaaliya.
Weeraradaan ayaa waxaa lala beegsaday askar katirsan maamulka la baxay Koonfur-galbeed iyo kuwa Dowladda Fedaraalka.
Haddaan ku horreyno gobalka Baay, ciidamada Xarakada Mujaahidiinta Al-Shabaab ayaa xalay weerar ku qaaday, xerada askarta maamulka la baxay Koonfur-galbeed ay ku leeyihiin deegaanka Goof-gaduud Buurey ee dhaca duleedka magaalada Beydhabo ee xarunta gobalka Baay.
Sidoo kale waxaa la weeraray, saldhigyada ay askarta Dowladda Fedaraalka ku leeyihiin xaafadaha Buunda Bilan iyo Buulo Bacaad oo kawada tirsan magaalada Marka ee gobalka Sh-hoose.
Illaa iyo hadda ma aanan helin tafaasiil dheeraad ah oo ku aaddan, khasaaraha ka dhashay weeraradaan ay xalay fuliyeen ciidamada Xarakada Mujaahidiinta Al-Shabaab.
Geesta kale weerar qarax ah ayay xalay ciidamada Xarakada Mujaahidiinta Al-Shabaab ku weerareen, hoyga uu magaalada Baardheere ee gobalka Gedo ka dagan yahay “Sanweyne” oo ah sarkaal katirsan Dowladda Fedaraalka.
Xogaha ayaa tilmaamaya in qaraxaasi uu ku dhaawacmay sarkaalka uu bartilmaameedku ahaa iyo mid kamid ah ilaaladiisa oo ku sugnaaa guriga la qarxiyay.
