Dhacdadan isbuurashada ah oo ka dhacday gobolka Awtar-baraadiish ee dhaca Waqooyiga dalka Hindiya, ayaa waxaa ku dhintay tobanaan ruux halka ay ku dhaawacmeen dad kale oo farabadan.
Wakaalladda wararka ee Reuters ayaa sheegtay, in 39 qof oo meydad ah ay tirisay kuwaasoo ku jira qolka meydadka ee isbitaalka degaanka.
Dadkan dhintay ayaa ku naf waayay goob ay isbuurasho ka dhacday oo ay ku kulansanaayeen malaayiin Hindi oo isaga kala yimid daafaha dalkaasi, waxayna ka dhalatay isbuurashadu, biyaha labo halka ay kulmaan oo ay ku qubeysashadeeda ukala tartamayeen, islamarkaana ay ka aaminsan yihiin meel muqadas ah, sanad kastana isugu yimaadaan.
Waxaa lagu tilmaamaa munaasabadda ay dadka Hinduuska ah ee Lo’da caabuda halkan ku qabsadaan midda ugu way ee ka dhacda dalkaasi, waayo waxaa ku kulma malaayiin ruux oo wadanka oo dhan ka yimid.
Illaa 400 Malyan oo dad ah ayaa sheegaa iney halkan ku kulmaan oo soconaya 6 todobaad, taasoo muujineysa inta ay la eg yihiin dadka goobtan ku kulmay.
