Ilo wareedyo rasmi ah ayaa waxa ay shaaca ka qaadeen in tiro dad ah ay dhimasho iyo dhaawac ku noqdeen, duqeymo ay maleeshiyaadka gurmadka degdegga ah ee magacooda loosoo gaabiyo RSF ka geysteen deegaanno katirsan Suudaan.
Degaannada ay duqeymuhu ka dhaceen ayaa waxaa kamid ah mandiqadda Khartuum Al-Kubraa iyo wilaayada woqooyi ee Daarfuur ee dhacda galbeedka dalka Suudaan.
Ugu yaraan 8 ruux oo rayid ah ayay ila wareedyadu xaqiijiyeen in ay ku dhinteen duqeynaha ka dhacay goobahaas, halka ay ku dhaawacmeen 53 kale.
Wasaaradda caafimaadka ee wilaayada Al-Khartuum ayaa iyana sheegtay, in shalay ay maleeshiyaadka RSF duqeymo ka geysteen Mandiqadaha Ummu Darmaan iyo bariga An-Niil, halkaas oo ay ku dileen 4 ruux oo rayid ah ayna ku dhaawaceen 43 kale.
Dalka Suudaan waxaa wali ka soconaya dagaallada xooggan ee u dhexeeya millatariga dalkaas iyo maleeshiyaadka RSF, waxaana dadka ugu badan ee ku la’anaya halkaasi ay yihiin dadka rayidka ah.
