Dagaal udhexeeya ciidamada Itoobiya iyo shacab Soomaaliyeed ayaa ka dhacay magaalo katirsan dhullka Soomaali-galbeed ee ku hoos jira gumeysiga Xabashida Itoobiya.
Magaalada Qabri-bayax ee ka tirsan gobolka Faafan ee dhulka Soomaali-galbeed islamarkaana ay gumeysato Itoobbiya ayaa waxaa ka dhacay, dagaal udhexeeya shacabka Soomaliyeed ee magaaladaas iyo ciidanka Xabashida Itoobiya.
Dagaalka ayaa yimid kadib markii ciidamo katirsan Boliska Dowladda Xabashida Itoobiya ay weerar ku qaadeen dadka shacabka ah ee ku dhaqan magaalada Qabri-bayax ee dhulka Soomaali-galbeed.
Ciidanka weerarka geystay oo loo yaqaanno Finaasta oo ah ciidamo uu Abiy u sameystay boobka hantida shacabka Soomaaliyeed, ayaa isku dayay inay dhacaan gaari u rarnaa ganacsatada degmada Qabri-bayax, balse dhalinyaro ka carooday boobka ay wadaan ciidanka Xabashida ayaa is hortaagay askarta Itoobiyaanka ah.
Sida ay sheegeen dadka deegaanka, waxaa iska hor-imaadka ka dhacay magaalada ku dhawaacmay 3 ruux oo shacab ah, ciidanka Xabashida oo gurmad helay ayaana ugu dambeyn waxa ay ka xeysteen gaadiidka shacabka, iyadoona uu magaalada ka billowday gadood ay sameynayaan dadweynaha.
