Duleedka Muqdisho, Qaraxyo labo ah oo ay galabta guutada qaraxyada ee Xarakada Mujaahidiinta Al-Shabaab ka fuliyeen degaanka Xaawo Cabdi, ayaa waxaa lagu dilay 9 askari oo katirsanaa ciidanka Dowladda Fedaraalka, halka lagu dhaawacay 6 kale.
Qaraxyadan oo ahaa kuwo xooggan ayaa ka dhacay fariisin ay askartan ku leeyihiin degaankaasi, waxayna argagax ku beereen askartii kale ee ka dhawaa aagga ay wax ka dhaceen.
Dhinaca kale Ciidamada Xarakada Mujaahidiinta Al-Shabaab ayaa caawa salaaddii Maqhrib kadib dagaal culus ku qaaday, askar katirsan kuwa maamulka la baxay Jubbaland oo ku sugnaa afaafka hore ee deegaanka Buulo Xaaji oo dhaca duleedka magaalada Kismaayo.
Halkaasi waxay ciidanka Xarakada Mujaahidiinta Al-Shabaab ku dileen 3 askari, halka ay ku dhaawaceen 4 kale, 3 qorina way kasoo furteen.
Ciidamada Dowladda Fedaraalka ayaa maalmihii udambeeyay la kulmayay khasaarooyin kala duwan oo isugu jira naf iyo maal intaba.
