Shilkan gaari ayaa maalintii shalay ka dhacay meel lagu magacaabo Qaac Saamah oo dhankaga Bari kaga beegan magaalada Thamaar ee Thamaar oo dhaca Waqooyiga Yaman, wuxuuna ka dhashay isku dhaca labo gaari.
Waxaa ku dhintay 10 qof halka ay ku dhaawacmeen 4 kale oo dhaawacyadoodu halis yihiin, waxaana guud ahaan dadka ku dhintay shilka ku jira dad isku qoys ah oo kala ah gabar iyo hooyadeed, iyo 6 ruux oo isku qoys ah kuwaasoo uu ka badbaaday kaliya wiil dhaawac kasoo gaaray shilka la jiifa isbitaal.
Waddo weyn oo isku xirta magaalada Sanca iyo magaalada Thamaar ayuu ka dhacay shilka, taasoo la sheegay iney burbursan tahay godod waaweyna ka qodanyihiin.
Darawal kaxeynayay mid kamid ah labada gaari oo ay saarnaayeen dad rakaab ayaana la warinayaa, in isagoo gaariga ku wada xawaare sare islamarkaana ka fogaanaya godadka wadada ka qodan ay isku dhaceen gaari yar oo marayay halkaasi.
