Maleeshiyaadka Amxaarada ee FANO ayaa sheegtay iney saraakiil iyo askar ku dileen weerar ka dhacay woqooyiga dalka Itoobiya.
Weerarkaan ayaa waxa uu si gaar ah kaga dhacay, saldhiga ciidamada Itoobiya ay ku leeyihiin magaalo katirsan mandiqadda Gojam ee dalka Itoobiya.
Xerada ay weerareen maleeshiyaadka FANO ayaa waxa ay ku taalla wado istaraatiiji ah oo aada biyo xireenka weyn ee Abaay, kaas oo ah mashruuc ay in muddo ah soo dhiseysay dowladda Xabashida Itoobiya, malaayin doollarna ay uga baxday.
Fano ayaa sheegtay, in weerarka ay ku dileen in ka badan 15 askari oo ay ku jiraan 2 sarkaal oo katirsan ciidanka millatariga Itoobiya.
