Ciidamada Xarakada Mujaahidiinta Al-Shabaab ayaa howlgallo kala duwan waxa ay ka fuliyeen goballada Wajeer, Banaadir Baay, Sh-hoose & Gedo, kuwaas oo geystay khasaarooyin kala duwan.
Haddaan ku horeyno gobalka Wajeer, waxay ciidamada Xarakada Mujaahidiinta Al-Shabaab weerar kamiin ah la beegsadeen, askar katirsan Kenya gaar ahaan kuwa qaabilsan afduubkaa dadka Muslimiinta ah.
Kamiinka ayaa si gaar ah kaga dhacay agagaarka deegaanka Qarso ee hoostaga degmada Qorof Xaraar ee gobalka Wajeer oo kamid ah dhulka NFD ee ay gumeysato Kenya.
Ugu yaraan 9 askari ayaa dowladda Kenya looga dilay weerarkaan, iyadoona looga dhaawacay tiro kale, halka looga gubay 2 gaari oo kala ah Taw iyo Kooyal.
Gobalka Banaadir, askar katirsan Millateriga Xarakada Mujaahidiinta Al-Shabaab ayaa xalay weerar ku qaaday, bar-koontaroolka ciidamada Dowladda Fedaraalka ee Darmooleey oo ku yaalla degmada Hiliwaa ee magaalada Muqdisho, waxaana dagaalkaasi ka dhashay khasaare isugu jira naf iyo maal intaba, oo soo gaaray ciidankii la weeraray.
Inta la xaqiijiyay 3 askari ayaa halkaasi looga dilay Dowladda Fedaraalka, waxaana laga dhaawacay 3 kale, 2 qori oo AK47 ah iyo booshashkooda waa laga soo furtay.
Sidoo kale Ciidamada Xarakada Mujaahidiinta Al-Sbabaab ayaa weeraro ku qaaday, saldhigyada askarta maamulka la baxay Koonfur-galbeed ay ku leeyihiin, xaafadaha Buulo-jameeco iyo Towfiiq oo kawada tirsan magaalada Beydhabo ee xarunta gobalka Baay, iyo degmada Diinsoor ee isla gobalkaas.
Ciidamada Xarakada Mujaahidiinta Al-Shabaab ayaa isla xalay weerar ku qaaday, xerada askarta Dowladda Fedaraalka ay ku leeyihiin degmada Buurdhuubo ee gobolka Gedo.
