Tafaasiil dheeraad ah ayaa laga helayaa dagaal beeleed saacadihii lasoo dhaafay ka dhacay deegaan ku yaalla duleedka magaalada Dhuusamareeb ee gobalka galgaduud, kaas oo dhaliyay khasaare kala duwan.
Dagaalka ayaa waxa uu si gaar ah kaga dhacay deegaanka lagu magacaabo Labi Caano oo dhanka bari kaga beegan magaalada Dhuusamareeb ee xarunta gobalka Galgaduud.
Inta la xaqiijiyay 10 ruux oo ahaa labada dhinac ee dagaallamay ayaa ku dhintay, tiro intaas ka badanna wey ku dhaawacmeen dagaalkaan, iyadoo uu jiro khasaare soo gaaray dadka rayidka ah.
Laba maleeshiyo ayaa isku haya dhul daaqsimeed ku yaalla deegaanka, mid kamid ah dadka ku dhaqan mandiqadda lagu dagaallamay ayaana ka warrmaya sida ay wax udhaceen, isagoo intaa ku daray in dadka deegaanka ay billaabeen iney barakacaan.
